ദക്ഷിണ കൊറിയയിലെ ആശുപത്രിയിൽ വൻതീപിടിത്തം; 31 പേർ വെന്തുമരിച്ചു
സിയൂൾ: തെക്കുകിഴക്കൻ ദക്ഷിണ കൊറിയയിലെ മിർയാംഗ് ആശുപത്രിയിൽ വൻതീപിടിത്തം. 31 ആളുകൾ വെന്തുമരിച്ചു. സെജോംഗ് ആശുപത്രിയിലെ എമർജൻസി റൂമിലുണ്ടായ തീപിടിത്തം മറ്റു നിലകളിലേക്ക് പടരുകയായിരുന്നു. നാൽപതിലധികം പേർക്ക് തീപിടിത്തത്തിൽ പരിക്കേറ്റു. ഇവരിൽ 11 പേരുടെ നില ഗുരുതരമാണ്.
പ്രായമായവരെ പരിചരിക്കുന്ന നഴ്സിംഗ് ഹോമും ആശുപത്രിയും ചേർന്ന കെട്ടിടത്തിലാണ് തീപിടിത്തമുണ്ടായത്. അഗ്നിശമനസേന എത്തിയാണ് കാര്യങ്ങൾ നിയന്ത്രണവിധേയമാക്കിയത്. പ്രായമായവരടക്കം നൂറോളം രോഗികളെ സുരക്ഷിത കേന്ദ്രങ്ങളിലേക്ക് മാറ്റിയെന്നും അധികൃതർ അറിയിച്ചു.