കുന്നംകുളത്ത് ലോറിയിൽ ബൈക്കിടിച്ച് രണ്ട് യുവാക്കൾ മരിച്ചു
കുന്നംകുളം: ദേശീയപാത പാറേംപാടത്ത് ബൈക്കും ലോറിയും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രികരായ രണ്ട് യുവാക്കൾ മരിച്ചു. കൊങ്ങണൂർകാവിൽ കാളിദാസൻ മകൻ അഭിലാഷ് എന്ന കണ്ണൻ(28), പോർക്കുളം ചെറുവത്തൂർ പ്രിൻസണ് മകൻ അഗസ്റ്റിൻ(28) എന്നിവരാണ് മരിച്ചത്.
വ്യാഴാഴ്ച രാത്രി 11 മണിയോടെ പാറേംപാടം വിക്ടറിക്കടുത്ത് വച്ചായിരുന്നു അപകടം. കുന്നകുളത്ത് നിന്നും വീട്ടിലേക്ക് ബൈക്കിൽ മടങ്ങുകയായിരുന്നു രണ്ടുപേരും. കണ്ണനാണ് ബൈക്ക് ഓടിച്ചിരുന്നത്. എതിർദിശയിൽ നിന്നും മരങ്ങൾ കയറ്റി വന്നിരുന്ന ലോറിയിലാണ് ഇവരുടെ ബൈക്ക് ഇടിച്ചത്. കണ്ണൻ സംഭവസ്ഥലത്തു വച്ചുതന്നെ മരിച്ചു. അഗസ്റ്റിൻ ആശുപത്രിയിൽ എത്തിച്ചശേഷമാണ് മരിച്ചത്. കുന്നംകുളത്തെ ടെന്പോ ട്രാവലർ ഡ്രൈവറാണ് കണ്ണൻ. അഗസ്റ്റിൻ കാറ്ററിംഗ് തൊഴിലാളിയാണ്.