പത്മാവത് പ്രദര്ശനം ; ഹരിയാനയിലെ ഗുരുഗ്രാമിൽ ചിത്രം പ്രദർശിപ്പിക്കുന്ന സ്ഥലങ്ങളിൽ 144 പ്രഖ്യാപിച്ചു
ഗുരുഗ്രാം: സഞ്ജയ് ലീലാ ബെൻസാലി ചിത്രം “പദ്മാവതി’ന് നിരോധനമേർപ്പെടുത്താനാകില്ലെന്ന സുപ്രീം കോടതി വിധിക്കു പിന്നാലെ ചിത്രം പ്രദർശിപ്പിക്കാൻ സംസ്ഥാനങ്ങൾ നടപടി ആരംഭിച്ചു. ഹരിയാനയിലെ ഗുരുഗ്രാമിൽ ചിത്രം പ്രദർശിപ്പിക്കുന്ന സ്ഥലങ്ങളിൽ 144 പ്രഖ്യാപിച്ചു. ഗുരുഗ്രാം ജില്ലാ മജിസ്ട്രേറ്റാണ് 144 പ്രഖ്യാപിച്ചിരിക്കുന്നത്. തീയേറ്ററുകളുടെ 200 മീറ്റർ ചുറ്റളവിലാണ് നിരോധനാജ്ഞ. ചിത്രം റിലീസ് ചെയ്യുന്ന വ്യാഴാഴ്ച മുതൽ 28 ാം തീയതിവരെ നിരോധനാജ്ഞ നിലവിലുണ്ടാകും.
ഗുരുഗ്രാമിനു പിന്നാലെ ഉത്തർപ്രദേശിലെ ഗൗതം ബുദ്ധ് നഗറിലും നോയിഡയിലും നിരോധനാജ്ഞ പ്രഖ്യാപിച്ചിട്ടുണ്ട്. അടുത്ത രണ്ടു മാസംവരെ നിരോധനാജ്ഞ നീണ്ടുനിൽക്കും.