കാബൂളിലെ ആഡംബര ഹോട്ടലിൽ വെടിവയ്പ്; രണ്ട് അക്രമികളെ വധിച്ചു
കാബൂൾ: കാബൂളിലെ ഇന്റർകോണ്ടിനന്റൽ ഹോട്ടലിൽ ആയുധധാരികളുടെ വെടിവയ്പ്. ഹോട്ടൽ ജീവനക്കാരും അതിഥികളും ഉൾപ്പെടെ അഞ്ച് പേർക്ക് പരിക്കേറ്റു. ഹോട്ടലിൽ അതിക്രമിച്ച് കടന്ന നാലംഗ സംഘമാണ് ആക്രമണം നടത്തിയത്. ഇവരിൽ രണ്ട് പേരെ പ്രത്യേക സേന വധിച്ചതായി ആഭ്യന്തര മന്ത്രാലയം വക്താവ് അറിയിച്ചു.
ശനിയാഴ്ച വൈകുന്നേരത്തോടെ അക്രമികള് ഹോട്ടലിനുള്ളില് കടന്ന് താമസക്കാര്ക്കു നേര്ക്കു നിറയൊഴിക്കുകയായിരുന്നു. അഞ്ച് നില കെട്ടിടത്തിന്റെ ചില ഭാഗങ്ങളിൽ അക്രമികൾ തീയിടുകയും ചെയ്തു. ഇതേത്തുടർന്നു കെട്ടിടം വളഞ്ഞ സേന ഹോട്ടലിലെ ഹെലിപാഡിലുടെ അകത്ത് പ്രവേശിച്ച് ഭീകരരെ നേരിടുകയായിരുന്നു.