‘സ്റ്റെപ്പില്‍ നിന്നും ഒരു പെണ്‍കൊച്ച് ചാടിയാല്‍ യൂട്രസ് ചാടി വരുമോ’ ബിഗ്‌ബോസ് മത്സരാര്‍ഥി രജിത് കുമാറിനെതിരെ വിമര്‍ശനവുമായി കഴിഞ്ഞ സീസണിലെ വിജയിയായ സാബു മോന്‍
ബിഗ്‌ബോസ് സീസണ് രണ്ടിൽ തർക്കങ്ങളും പിണക്കങ്ങളും ഒക്കെ തകൃതിയായി നടക്കുകയാണ്. ഇപ്പോഴിതാ രജിത് കുമാറിനെതിരെ വിമര്‍ശനവുമായി എത്തിയിരിക്കുകയാണ് സാബു മോന്‍ .ഫേസ്ബുക്ക് വീഡിയോയിലൂടെയായിരുന്നു സാബുവിന്റെ വിമര്‍ശനം.
അമ്മമാര്‍ പുരുഷന്മാരെപ്പോലെ വസ്ത്രം ധരിച്ചാല്‍ കുട്ടികള്‍ ട്രാന്‍സ്ജെന്‍ഡറാകും. തുടങ്ങി ലൈംഗിക ന്യൂനപക്ഷങ്ങളെയും സ്ത്രീകളെയും അപമാനിക്കുന്ന പ്രസ്താവനകളായിരുന്നു രജിത് കുമാര്‍ നേരത്തെ നടത്തിയിരുന്നത്. ഇതിനു മറുപടിയുമായാണ് സാബു മോൻ രംഗത്ത് എത്തിയിരിക്കുന്നത്.
എനിക്ക് ബയോളജിയില്‍ പി.എച്ച്.ഡി ഇല്ല. ജീന്‍സ് ഇട്ടാല്‍ ജീനിനെ ബാധിക്കുമോ തുടങ്ങിയ ചോദ്യങ്ങളൊക്കെ കുറേപ്പേര്‍ എനിക്ക് അയയ്ക്കുന്നുണ്ട്. അങ്ങനെയൊക്കെ ആര് പറഞ്ഞാലും അത് മന്ദബുദ്ധിത്തരമാണെന്നാണ് എന്റെ അഭിപ്രായം. ജീന്‍സിലും ജിനിലും മലയാളത്തില്‍ പറയുമ്പോള്‍ ‘ജി’ മാത്രമേ പൊതുവായുള്ളൂ. അല്ലാതെ ഒരു പരസ്പര ബന്ധവുമില്ല’ എന്നായിരുന്നു സാബുവിന്റെ അഭിപ്രായം.
‘സ്റ്റെപ്പില്‍ നിന്നും ഒരു പെണ്‍കൊച്ച് ചാടിയാല്‍ യൂട്രസ് ചാടി വരുമോ. നിങ്ങള്‍ ഒരു ഡോക്ടര്‍ അല്ലേ. ഒരാളുടെ നടുവ് ഇടിച്ചാല്‍ അത് താഴേക്ക് വരുന്നതാണോ.ഈ യൂട്രസ് എന്നുപറയുന്നത് എവിടെ ഇരിക്കുന്ന സാധനമാണ്. ഇത് ഇങ്ങനെ ചാടുമ്പോഴേക്കും ഊരി വരുമോ ഒരുപാട് പ്രൊട്ടക്ഷന്‍ ഉള്ളതൊക്കെയല്ലേ ഇത്.” എന്നും സാബുമോന്‍ ചോദിച്ചു.