ട്രംപിന്റെ മുൻ പ്രചാരണ വിഭാഗം മാനേജർ കോറി ലെവൻഡോസ്കി എതിരെ ലൈംഗീകാതിക്രമ ആരോപണം
വാഷിംഗ്ടൺ: യുഎസ് പ്രസിഡന്റ് ഡോണൾഡ് ട്രംപിന്റെ മുൻ പ്രചാരണ വിഭാഗം മാനേജർ കോറി ലെവൻഡോസ്കി എതിരെ ലൈംഗീകാതിക്രമ ആരോപണം. അമേരിക്കൻ ഗായിക ജോയ് വില്ലെയാണ് ആരോപണം ഉന്നയിച്ചത്. ലെവൻഡോസിക്ക് എതിരെ വില്ലെ പരാതി നൽകി.
കഴിഞ്ഞമാസം വാഷിംഗ്ടണിൽ നടന്ന പൊതു പരിപാടിക്കിടെ രണ്ടു തവണ അപമര്യാദയായി സ്പർശിച്ചു എന്നാണ് ആരോപണം. ലെവൻഡോസ്കിക്ക് ഒപ്പമുള്ള ചിത്രവും വില്ലെ പുറത്തുവിട്ടു. എന്നാൽ ലെവൻഡോസ്കി ആരോപണത്തോട് പ്രതികരിച്ചില്ല.നേരത്തെ, മാധ്യമപ്രവർത്തകയോട് അപമര്യാദയായി പെരുമാറിയതിന് ലെവൻഡോസ്കിക്ക് എതിരെ കേസെടുത്തിരുന്നു.