എെസിസി ട്വൻറി20 റാങ്കിങിൽ ഇന്ത്യ അഞ്ചാം സ്ഥാനത്ത് നിന്ന് രണ്ടാം സ്ഥാനത്തേക്കുയർന്നു

ദുബായ്: എെസിസി ട്വൻറി20 റാങ്കിങിൽ ഇന്ത്യ അഞ്ചാം സ്ഥാനത്ത് നിന്ന് രണ്ടാം സ്ഥാനത്തേക്കുയർന്നു. ലങ്കക്കെതിരായ പരമ്പര വിജയമാണ് ഇന്ത്യക്ക് നേട്ടമായത്. 121 പോയിൻറുമായാണ് ഇന്ത്യ രണ്ടാം സ്ഥാനത്തെത്തിയത്. ലങ്കക്കെതിരായ പരമ്പര 3-0നാണ് ഇന്ത്യ തൂത്തുവാരിയത്.

ബാറ്റ്സ്മാൻമാരുടെ പട്ടികയിൽ ഒന്നാം സ്ഥാനത്തുണ്ടായിരുന്ന ഇന്ത്യൻ നായകൻ വിരാട് കോഹ്‍ലി പുതിയ റാങ്കിങിൽ മൂന്നാമതായി. വിവാഹവും മറ്റും കാരണം താരം മത്സരങ്ങളിൽ നിന്ന് വിട്ടു നിൽക്കുന്നതിനാലാണ് റാങ്കിങിൽ പിന്നോട്ട് പോയത്.

ഓസ്ട്രേലിയയുടെ ആരോൺ ഫിഞ്ചാണ് കോഹ‍്‍ലിയെ മറി കടന്ന് ഒന്നാം സ്ഥാനത്തെത്തിയത്. 124 പോയിൻറുമായി പാകിസ്ഥാനാണ് എെസിസി ട്വൻറി20 റാങ്കിങിൽ ഒന്നാം സ്ഥാനത്തുള്ളത്.