ഓക്സ്ഫഡിന്റെ ഇക്കൊല്ലത്തെ വാക്ക് ”Youthquake”
ലണ്ടൻ: ഓക്സ്ഫഡ് ഡിക്ഷനറിയുടെ ഇക്കൊല്ലത്തെ വാക്കായി Youthquake തെരഞ്ഞെടുക്കപ്പെട്ടു. 2017 ൽ ഏറ്റവും കൂടുതൽ ഉപയോഗിച്ച വാക്ക് എന്ന നിലയിലാണ് Youthquake തെരഞ്ഞെടുക്കപ്പെത്. യുവാക്കളുടെ പ്രവർത്തികൊണ്ടോ സ്വാധീനം മൂലമോ സാംസ്കാരിക, രാഷ്ട്രീയ, സാമൂഹികരംഗത്ത് പ്രബലമായൊരു മാറ്റം ഉണ്ടാകുന്നതിനെ സൂചിപ്പിക്കുന്നതാണ് Youthquak എന്ന വാക്ക്- ഓക്സ്ഫഡ് ഡിക്ഷനറി വിശദീകരിക്കുന്നു. ബ്രിട്ടനിൽ ഈ വാക്കിന്റെ ഉപയോഗം 2016ലേതിനെക്കാൾ അഞ്ചുമടങ്ങ് ഈ വർഷം വർധിച്ചതായി ഓക്സ്ഫഡ് അധികൃതർ വ്യക്തമാക്കുന്നു.
1965 ൽ ആണ് ഈ വാക്ക് ആദ്യമായി ഉപയോഗിച്ചതെന്നു പറയുന്നു. ഒരു സാംസ്കാരിക മുന്നേറ്റത്തെ സൂചിപ്പിക്കാൻ ഫാഷൻ മാഗസിനായ ‘വോഗിന്റെ’ എഡിറ്റർ ഇൻ ചീഫ് ഡൈന വ്രീലൻഡ് ആണ് ഈ വാക്ക് സൃഷ്ടിച്ചത്.