പരേതനായ പോലീസുകാരന് സ്ഥലം മാറ്റം;സംഭവം ആന്ധ്രയിൽ
പരേതനായ പോലീസുകാരന് സ്ഥലം മാറ്റം..! ആന്ധ്രാപ്രദേശിലെ തിരുമലയിലായിരുന്നു സംഭവം. ഡിഎസ്പി ഡി. രാമഞ്ചനെയുലുവാണ് സ്ഥലം മാറ്റം ലഭിച്ച പരേതൻ. തിരുമല സ്പെഷൽ ബ്രാഞ്ചിലേക്കാണ് രാമഞ്ചനെയുലുവിനെ സ്ഥലം മാറ്റിയത്. പോലീസ് ആസ്ഥാനത്ത് ഹാജരാകാനും ഉത്തരവിൽ ആവശ്യപ്പെട്ടു. എന്നാൽ ആറു മാസങ്ങൾക്കു മുമ്പ് രാമഞ്ചനെയുലു മരണപ്പെട്ടിരുന്നു.
സംഭവം വിവാദമായതോടെ സംസ്ഥാന പോലീസ് മേധാവി നന്ദുരു സാമ്പശിവ റാവു അന്വേഷണത്തിന് ഉത്തരവിട്ടു. സ്ഥലമാറ്റ ഉത്തരവ് തയാറാക്കിയ ഉദ്യോഗസ്ഥർക്കുണ്ടായ പിഴവാണ് കുഴപ്പങ്ങൾക്കു കാരണമെന്നാണ് വിശദീകരണം. തെറ്റു മനസിലായതോടെ ഇത് തിരുത്തുകയും ചെയ്തതായും അധികൃതർ അറിയിച്ചു.