ഭർത്താവിനെ കൊലപ്പെടുത്തി;ഭര്‍ത്താവാണെന്നു വരുത്തി തീര്‍ക്കാന്‍ കാമുകന്‍റെ മുഖത്ത് ആസിഡ് ഒഴിച്ചു,
കാമുകനൊപ്പം ജീവിക്കാൻ ഭർത്താവിനെ തലയ്ക്കടിച്ചു കൊലപ്പെടുത്തിയ യുവതി, കാമുകനെ ഭര്‍ത്താവാണെന്നു വരുത്തി തീര്‍ക്കാന്‍ കാമുകന്‍റെ മുഖത്ത് ആസിഡ് ഒഴിച്ചു. തെലങ്കാനയിലാണ് സംഭവം നടന്നത്. സ്വാതി റെഡ്ഢിയെന്ന യുവതിയാണ് കാമുകനൊപ്പം ചേര്‍ന്ന്‍ ഭർത്താവ് സുധാകര്‍ റെഡ്ഢിയെ തലക്കടിച്ചു കൊലപ്പെടുത്തിയത്. കൊലപാതകം മറിച്ചുവായ്ക്കാനും ഒപ്പം താമസിക്കുന്നത് ഭര്‍ത്താവ് ആണെന്ന് വരുത്തി തീര്‍ക്കാനും വേണ്ടി കാമുകന്‍ രാജേഷിന്‍റെ മുഖം ആഡിഡൊഴിച്ച്‌ വികൃതമാക്കുകയും ചെയ്തു.
രണ്ടുവര്‍ഷം മുൻപാണ് സ്വാതിയുടെയും സുധാകര്‍ റെഡ്ഢിയും തമ്മിലുള്ള വിവാഹം നടന്നത്. വിവാഹശേഷം രാജേഷുമായി സ്വാതി അടുപ്പത്തിലായി. തുടര്‍ന്നാണ് ഭര്‍ത്താവിനെ കൊലപ്പെടുത്താന്‍ പദ്ധതിയിട്ടത്. നവംബര്‍ 22 നാണ് നാഗര്‍കുര്‍നൂലിലെ വസതിയില്‍ ഉറങ്ങികിടക്കുകയായിരുന്ന സുധാകറിനെ സ്വാതി തലക്കടിച്ച്‌ കൊലപ്പെടുത്തിയത്. ശേഷം രാജേഷിന്‍റെ തന്നെ സഹായത്തോടെ സമീപത്തുള്ള മയ്സമ്മ വനത്തില്‍ മൃതശരീരം കുഴിച്ചിടുകയായിരുന്നു. തുടര്‍ന്നാണ് കാമുകന്‍ രാജേഷിന്‍റെ മുഖം ആസിഡ് ഒഴിച്ച് വികൃതമാക്കി. ഹൈദരാബാദില്‍ വെച്ച്‌ ഭര്‍ത്താവിന് പൊള്ളലേറ്റുവെന്നാണ് സ്വാതി വീട്ടുകാരെ അറിയിച്ചത്. ചികിത്സക്കു ശേഷം മുഖം പിന്നീട് പ്ലാസ്റ്റിക് സര്‍ജറിയിലൂടെ ഭർത്താവിനെപ്പോലെയാക്കാനായിരുന്നു ശ്രമം. രാജേഷിന്‍റെ ചികിത്സക്കായി അഞ്ചു ലക്ഷം രൂപ സുധാകറിന്‍റെ വീട്ടുകാര്‍ ചെലവഴിച്ചിരുന്നു. രാജേഷിന്‍റെ ശരീരഭാഷയിലും പെരുമാറ്റത്തിലും സംശയം തോന്നിയ സുധാകറിന്‍റെ വീട്ടുകാര്‍ പൊലീസില്‍ പരാതി നല്‍കുകയായിരുന്നു. പൊലീസ് അന്വേഷണത്തില്‍ സ്വാതിയോടൊപ്പമുള്ളത് രാജേഷാണെന്ന് കണ്ടെത്തുകയായിരുന്നു. .
പൊലീസ് ചോദ്യം ചെയ്യലില്‍ സ്വാതി കുറ്റങ്ങളെല്ലാം സമ്മതിച്ചിട്ടുണ്ട്. സ്വാതിയുടെ മൊഴിയുടെ അടിസ്ഥാനത്തില്‍ നടത്തിയ തെരച്ചിലിലില്‍ സുധാകറിന്‍റെ മൃതദേഹം കണ്ടെടുത്തു. സ്വാതിയെയും ചികിത്സയില്‍ കഴിയുന്ന രാജേഷിനെയും പൊലീസ് അറസ്റ്റു ചെയ്തു.