സിയറ ലിയോണിന്റെ 709 കാരറ്റ് “സമാധാന വജ്രം’ ലേലത്തിൽ വിറ്റു
ന്യൂയോർക്ക്: ആഫ്രിക്കന് രാജ്യമായ സിയറ ലിയോണിൽ കണ്ടെത്തിയ 709 കാരറ്റ് വജ്രം 65 ലക്ഷം ഡോളർ (42.25 കോടി രൂപ) ലേലത്തിൽ വിറ്റു. സമാധാനത്തിന്റെ വജ്രമെന്നു വിശേഷിപ്പിക്കുന്ന അണ്ഡാകൃതിയിലുള്ള വജ്രമാണ് വിറ്റത്. ബ്രിട്ടനിൽ നിന്നുള്ള ആഭരണ നിർമാതാക്കളായ ലോറൻസ് ഗ്രാഫാണ് വജ്രം സ്വന്തമാക്കിയത്.
ന്യൂയോർക്കിൽ റാപാപോർട്ട് വജ്രക്കമ്പനിയുടെ നേതൃത്വത്തിലാണ് ലേലം നടത്തിയത്. ലേലത്തിലൂടെ ലഭിച്ച തുക സിയറ ലിയോണിന്റെ വികസന പദ്ധതികൾക്ക് വേണ്ടി ഉപയോഗിക്കാമെന്ന് റാപാപോർട്ട് പറഞ്ഞു. വജ്രഖനനത്തിന്റെ പേരിലുണ്ടായ ആഭ്യന്തരകലാപം രാജ്യത്തെ സ്ഥിതി താറുമാറാക്കിയിരുന്നു.