അഫ്ഗാനിൽ ചാവേറാക്രമണം; ആറു പേർ മരിച്ചു
Dec 4, 2017, 10:27 IST
ജലാലാബാദ്: അഫ്ഗാനിസ്ഥാനിൽ രാഷ്ട്രീയ പാർട്ടിയുടെ റാലിക്കിടെ ചാവേർ നടത്തിയ സ്ഫോടനത്തിൽ ആറു പേർ മരിച്ചു. 13 പേർക്കു പരുക്കേറ്റു.നങ്കർഹാർ പ്രവിശ്യയിലെ ജലാലാബാദ് നഗരത്തിലാണ് സ്ഫോടനം. പ്രസിഡന്റ് അഷ്റഫ് ഗനിക്കു പിന്തുണ പ്രഖ്യാപിച്ചു റാലി നടത്തിയ ജനക്കൂട്ടത്തിനിടയിലേക്കു മോട്ടോർസൈക്കിൾ ഓടിച്ചുവന്ന ചാവേർ സ്ഫോടനം നടത്തുകയായിരുന്നു.