യുപിയിൽ പുലിയുടെ ആക്രമണത്തിൽ ഒന്പതുവയസുകാരി കൊല്ലപ്പെട്ടു
Nov 29, 2017, 11:49 IST
ബഹറായിച്ച്: ഉത്തർപ്രദേശിൽ പുലിയുടെ ആക്രമണത്തിൽ ഒന്പതു വയസുള്ള പെൺകുട്ടി കൊല്ലപ്പെട്ടു. ബഹ്റായിച്ച് ജില്ലയിലെ മഖാൻപുർ ഗ്രാമത്തിൽ തിങ്കളാഴ്ച രാത്രിയാണു സംഭവം. പ്രാഥമികാവശ്യ നിർവഹണത്തിനായി അമ്മയ്ക്കൊപ്പം പോയ പെൺകുട്ടിയെയാണു പുലി പിടിച്ചത്.
പെൺകുട്ടി കൊല്ലപ്പെട്ടതോടെ വനം വകുപ്പിനെതിരെ പ്രതിഷേധവുമായി നാട്ടുകാർ രംഗത്തെത്തി. പെൺകുട്ടിയുടെ കുടുംബത്തിന് അടിയന്തര സഹായമായി 10,000 രൂപ അനുവദിച്ചിട്ടുണ്ടെന്ന് വനംവകുപ്പ് ഉദ്യോഗസ്ഥർ പറഞ്ഞു.