പാക് മണ്ണിലെ ഭീകരപ്രവർത്തനം അവസാനിപ്പിക്കണമെന്ന് യുഎസ് ജനറൽ
ഇസ്ലാമാബാദ്: പാക് മണ്ണ് കേന്ദ്രീകരിച്ച് പ്രവർത്തനം നടത്തുന്നതിൽനിന്നു ഭീകര സംഘടകളെ തടയണമെന്ന് പാക്കിസ്ഥാനോടു യുഎസ് ജനറൽ. യുഎസ് സെൻട്രൽ കമാൻഡ് കമാൻഡർ ജനറൽ ജോസഫ് വോട്ടലാണ് ഈ ആവശ്യമുന്നയിച്ചിരിക്കുന്നത്. രണ്ടു ദിന സന്ദർശനത്തിനായി പാക്കിസ്ഥാനിലെത്തിയപ്പോഴായിരുന്നു ജനറലിന്റെ പരാമർശമെന്നതും ശ്രദ്ധേയമാണ്.
മേഖലയിൽ സ്ഥിരത കൈവരിക്കാനും അഫ്ഗാനിസ്ഥാനുമായുള്ള ബന്ധം മെച്ചപ്പെടുത്താനും ഭീകരസംഘടനകളെ നിയന്ത്രിക്കണമെന്നാണ് ജോസഫ് വോട്ടഫിന്റെ നിലപാട്. ഇരുരാജ്യങ്ങളുടെയും അതിർത്തികളിൽ സൈനികനീക്കങ്ങൾക്ക് ഈ സഹകരണം ആവശ്യമാണെന്നും യുഎസ് എംബസി പുറത്തിറക്കിയ പത്രക്കുറിപ്പിൽ പറയുന്നു.