കേരള പ്രസ് ക്ലബ് രൂപീകരിച്ചു
Nov 3, 2017, 21:58 IST
ന്യൂഡൽഹി: ഡൽഹിയിലെ വിവിധ മാധ്യമങ്ങളിൽ ജോലി ചെയ്യുന്ന മലയാളി മാധ്യമ പ്രവർത്തകരെ ഉൾപ്പെടുത്തി കേരള പ്രസ് ക്ലബ് രൂപീകരിച്ചു. കേരളത്തിൽ നിന്നുള്ള വിവിധ മാധ്യമങ്ങൾക്കൊപ്പം ദേശീയ മാധ്യമങ്ങളിലുള്ള മാധ്യമ പ്രവർത്തകരെയും യോജിപ്പിച്ചാണ് പ്രസ് ക്ലബിനു രൂപം നൽകിയത്.
ക്ലബിന്റെ തുടർപ്രവർത്തനങ്ങൾക്കുള്ള സമിതിയുടെ ജനറൽ കണ്വീനറായി ജോമി തോമസിനെ തെരഞ്ഞെടുത്തു. ജോർജ് കള്ളിവയലിൽ, ബസന്ത് പങ്കജാക്ഷൻ, വി.കെ. ചെറിയാൻ, പി.എം. നാരായണൻ, എസ്. അരുണ് ശങ്കർ, സിബി സെബാസ്റ്റ്യൻ, പി. പുരുഷോത്തമൻ, യു.എം. മുക്താർ, എം. സന്തോഷ് എന്നിവരെ സമിതി അംഗങ്ങളായും തെരഞ്ഞെടുത്തു.