രാഷ്ട്രപതി നാളെ സംസ്ഥാനത്ത്
തിരുവനന്തപുരം: രാഷ്ട്രപതി രാംനാഥ് കോവിന്ദ് ദിദ്വിന സന്ദർശനത്തിനായി നാളെ സംസ്ഥാനത്തെത്തും.27ന് ഉച്ചയ്ക്ക് 2.50ന് തിരുവനന്തപുരത്ത് പ്രത്യേക വിമാനത്തിലെത്തുന്ന അദ്ദേഹം വൈകിട്ട് 3.30ന് പള്ളിപ്പുറം ടെക്നോസിറ്റി പദ്ധതിയിലെ ആദ്യ സര്ക്കാര് മന്ദിരത്തിന്റെ ശിലാസ്ഥാപനവും പ്രഖ്യാപനവും നിര്വഹിക്കും. പിന്നീട്, അദ്ദേഹം രാജ്ഭവനിലെത്തും. വൈകിട്ട് 5.50ന് വെള്ളയമ്പലം സര്ക്കിളിലെ അയ്യങ്കാളി പ്രതിമയില് രാഷ്ട്രപതി പുഷ്പാർച്ചന നടത്തും.
വൈകിട്ട് ആറിന് സംസ്ഥാന സര്ക്കാരിനായി തിരുവനന്തപുരം നഗരസഭ ടഗോര് തിയറ്ററില് സംഘടിപ്പിക്കുന്ന പൗരസ്വീകരണത്തില് പങ്കെടുക്കും.
ചടങ്ങിനുശേഷം എട്ടു മണിക്ക് ഗവര്ണര് ഒരുക്കുന്ന അത്താഴ വിരുന്നില് പങ്കെടുത്ത ശേഷം രാത്രി രാജ്ഭവനില് തങ്ങും. 28ന് രാവിലെ 9.45ന് പ്രത്യേകവിമാനത്തില് രാഷ്ട്രപതി കൊച്ചിയിലേക്ക് തിരിക്കും. 28 ന് രാവിലെ 11 ന് കേരള ഹൈക്കോടതിയുടെ വജ്രജൂബിലി ആഘോഷങ്ങളുടെ സമാപന സമ്മേളനം ഉദ്ഘാടനം ചെയ്യും. തുടര്ന്ന് ഉച്ചയ്ക്ക് 12.30ന് ഡല്ഹിയിലേക്ക് മടങ്ങും.