Nature
Times Kerala
News|Events|Travel & Tourism|Entertainment|Health|

എട്ടാം വയസ്സില്‍ ആള്‍ദൈവം എന്നെ പീഡിപ്പിച്ചു ; വെളിപ്പെടുത്തലുമായി ഗായിക

പീഡനത്തിനിരയായ സ്ത്രീകള്‍ അനുഭവം പങ്കുവച്ച് ‘മീ ടൂ’ കാമ്പയിനിന്റെ ഭാഗമായി മാറുകയാണ്. അതിനിടയിലാണ് തനിക്കുണ്ടായ ഒരുമോശം അനുഭവമായി തെന്നിന്ത്യന്‍ സൂപ്പര്‍ ഗായിക ചിന്മയ് രംഗത്ത് വരുന്നത്. സ്ത്രീകള്‍ മാത്രമല്ല പുരുഷന്മാരും പീഡനത്തിന് ഇരയാകുന്നുണ്ട് എന്നാണ് ചിന്മയ് പറയുന്നത്.

തമിഴ് സിനിമാ ലോകത്തെ പല മികച്ച പാട്ടുകളുടെയും ശബ്ദത്തിനുടമയായ ചിന്മയ്. കുഞ്ഞുന്നാളു മുതല്‍ നേരിട്ട എല്ലാ പീഡനങ്ങളെ കുറിച്ചും ചിന്മയ് ട്വിറ്ററിലൂടെ പങ്കുവയ്ക്കുന്നു. സ്ത്രീകള്‍ മാത്രമല്ല പുരുഷന്മാരും പീഡനത്തിനിരയാകുന്നുണ്ട് എന്ന് പറയുന്ന ഗായിക, താന്‍ കണ്ട ചില അനുഭവങ്ങളെ കുറിച്ചും പറയുന്നുണ്ട്.

അമ്മയ്‌ക്കൊപ്പം റെക്കോഡിങ് സ്റ്റുഡിയോയില്‍ പോയപ്പോള്‍ ഒരു ആള്‍ ദൈവത്തില്‍ നിന്ന് മോശമായ അനുഭവമുണ്ടായി. സ്റ്റുഡിയോയില്‍ ഞാന്‍ ഉറങ്ങുകയായിരുന്നു. അയാള്‍ എന്നെ തൊട്ടു. എന്റെ ശരീരത്തിലായിരുന്നില്ല അയാളുടെ കൈ. ഞാനപ്പോള്‍ തന്നെ അമ്മയോട് ചെന്ന് പറഞ്ഞു.

അമ്മ ചെന്ന് ചോദിച്ചപ്പോള്‍ വാത്സല്യത്തോടെ തൊട്ടതാണെന്നായിരുന്നു പ്രതികരണം. എനിക്കറിയാവുന്ന പല സുഹൃത്തുക്കള്‍ക്കും പീഡനങ്ങള്‍ സഹിക്കേണ്ടി വന്നിട്ടുണ്ട്. സ്ത്രീകള്‍ക്ക് മാത്രമല്ല, പുരുഷന്മാരും ഇത്തരം ലൈംഗിക പീഡനങ്ങള്‍ നേരിടുന്നുണ്ടെന്നും ചിന്മയ് വെളിപ്പെടുത്തി.

ലൈംഗിക വിദ്യാഭ്യാസം നല്‍കുന്നത് എന്തോ മോശം കാര്യമാണെന്ന ചിന്താഗതിയാണ് നമുക്ക്. ഇന്ത്യന്‍ സംസ്‌കാരത്തിന് ചേരുന്നതല്ല എന്ന മുടന്തന്‍ ന്യായം പറയും. എന്നാല്‍ ആ ന്യായങ്ങളൊക്കെ മാറ്റിവയ്‌ക്കേണ്ട സമയം കഴിഞ്ഞുവെന്നും ചിന്മയ് വ്യക്തമാക്കി.

You might also like

Comments are closed.