സ്കൂട്ടറിൽ അമ്മയ്ക്കു പിന്നിലിരുന്ന മകൻ ടിപ്പറിടിച്ച് മരിച്ചു
മരട്(കൊച്ചി): സ്കൂട്ടറിൽ അമ്മയുടെ പിന്നിലിരുന്നു യാത്രചെയ്ത മകൻ ടിപ്പറിടിച്ച് മരിച്ചു. മരട് ടികെഎസ് റോഡ് അയ്യപ്പലെയ്നിൽ കൃഷ്ണേന്ദുവിൽ വിനോദ്കുമാർ-രാജി ദന്പതികളുടെ മകൻ വിശാൽ വി. നായർ (12) ആണ് മരിച്ചത്. മരട് ഗ്രിഗോറിയൻ പബ്ലിക് സ്കൂൾ ഏഴാം ക്ലാസ് വിദ്യാർഥിയാണ്.
ടിപ്പറിടിച്ച് റോഡിൽ വീണുകിടന്ന വിശാലിനെ അവിചാരിതമായി അതുവഴി വന്ന അച്ഛൻ വിനോദ്കുമാർതന്നെയാണ് ആശുപത്രിയിൽ എത്തിച്ചത്. ടിപ്പറിന്റെ ഡ്രൈവർ പെരുമ്പാവൂർ സ്വദേശി അമലി(22)നെ തൃപ്പൂണിത്തുറ ട്രാഫിക് പോലീസ് അറസ്റ്റു ചെയ്തു. വാഹനവും കസ്റ്റഡിയിൽ എടുത്തു. കൊച്ചി-ധനുഷ്കോടി ദേശീയപാതയിൽ മരട് കാളാത്ര ജംഗ്ഷനിലായിരുന്നു അപകടം.