അശോക് ലെയ്‌ലാന്റ് ദോസ്ത് പ്ലസ് വിപണിയില്‍, വില 5.69 ലക്ഷം രൂപ
Sep 30, 2017, 13:51 IST
രാജ്യത്തെ മുന്‍നിര വാണിജ്യ വാഹന നിര്‍മാതാക്കളായ അശോക് ലെയ്‌ലന്റ് ചെറു വാണിജ്യ വാഹനമായ ദോസ്ത് പ്ലസ് കൊച്ചിയില്‍ പുറത്തിറക്കി. നേരത്തെ വിപണിയില്‍ സാന്നിധ്യമറിയിച്ച ദോസ്തിന് പിന്നാലെയാണ് ദോസ്ത് പ്ലസും മത്സരത്തിനെത്തുന്നത്‌. 2 ടണ്‍ മുതല്‍ 3.5 ടണ്‍ വരെ ഭാരവും പേലോഡ് ശേഷി 1.475 ടണ്ണുമുള്ള ദോസ്ത് പ്ലസ് പരമാവധി ആവശ്യങ്ങള്‍ നിറവേറ്റാന്‍ ഉതകുന്നതാണ്. 5,69,960 രൂപയാണ് കൊച്ചിയിലെ എക്‌സ് ഷോറൂം വില.
