സാംസങ് ഗാലക്സി ടാബ് 6ന് വെല്ലുവിളി ഉയര്ത്താന് ലക്ഷ്യമിട്ട് വാവേയുടെ പുതിയ ടാബ്ലെറ്റ്
സാംസങ് ഗാലക്സി ടാബ് 6, ഐപാഡ് പ്രോ തുടങ്ങിയവക്ക് വെല്ലുവിളി ഉയര്ത്താന് ലക്ഷ്യമിട്ട് വാവേയുടെ പുതിയ ടാബ്ലെറ്റ്. മീഡിയപാഡ് എം 7/ വാവേയ് മേറ്റ്പാഡ് പ്രോ ഇവയിലേതെങ്കിലുമൊന്നാവും ടാബ്ലെറ്റിന്റെ പേരെന്നാണ് റിപ്പോര്ട്ടുകള്. ഡിസൈനില് ആപ്പിള് ഐപാഡ് പ്രോയോടാണ് വാവേയുടെ ടാബ്ലെറ്റിന് സാമ്യം.
പഞ്ച്ഹോള് സെല്ഫി കാമറയുമായിട്ടാണ് ടാബ്ലെറ്റ് വിപണിയിലെത്തുന്നത്. പഞ്ച്ഹോള് ഡിസ്പ്ലേ മികച്ച സ്ക്രീന് ടു ബോഡി റേഷ്യോ ടാബ്ലെറ്റിന് നല്കുന്നുണ്ട്. എല്.ഇ.ഡി ഫ്ലാഷിനൊപ്പം ഇരട്ട കാമറകളാണ് പിന്നില് നല്കിയിരിക്കുന്നത്. കിരിന് 990 ചിപ്സെറ്റാവും കരുത്ത് പകരുക. എട്ട് ജി.ബി വരെ റാമും 256 ജി.ബി സ്റ്റോറേജും ടാബ്ലെറ്റിന് ഉണ്ടാവുമെന്നാണ് റിപ്പോര്ട്ടുകള്.
ഇന് ഡിസ്പ്ലേ ഫിംഗര്പ്രിന്റ് സെന്സറാണ് സുരക്ഷക്കായി ഉള്പ്പെടുത്തിയിരിക്കുന്നത്. ടൈപ്പ് സി യു.എസ്.ബി പോര്ട്ടും ഉണ്ട്. നാല് മാസം മുമ്ബാണ് വാവേയ് മീഡിയപാഡ് എം 6 പുറത്തിറക്കിയത്.