ഫേസ്ബുക്കിന് പുതിയ വാര്‍ത്താ പ്ലാറ്റ്ഫോം
ന്യൂയോര്‍ക്ക്: സോഷ്യല്‍മീഡിയ പ്ലാറ്റ്ഫോമായ ഫേസ്ബുക്കില്‍ ന്യൂസ് വിഭാഗവും ഉള്‍പ്പെടുത്തി. ഫേസ്ബുക്ക് മൊബൈല്‍ ആപ്പില്‍ പുതുതായി ഉള്‍പ്പെടുത്തിയിരിക്കുന്ന ന്യൂസ് ടാബില്‍ പ്രവേശിച്ചാല്‍ തലക്കെട്ടുകള്‍ കാണാം. ഇവിടെ നിന്ന് നേരിട്ട് ന്യൂസ് സൈറ്റുകളിലേക്കോ ആപ്പുകളിലേക്കോ പോകാം.
ആദ്യ ഘട്ടം അമേരിക്കയിലാണ് ന്യൂസ് ടാബ് ആരംഭിച്ചിരിക്കുന്നത്. വോള്‍സ്ട്രീറ്റ് ജേണല്‍, വാഷിംഗ്ടണ്‍ പോസ്റ്റ്, ബസ്ഫീഡ് ന്യൂസ്, ബിസിനസ് ഇന്‍സൈഡര്‍, എന്‍ബിസി, യുഎസ്‌എ ടുഡേ, ലോസ് ആഞ്ചലസ് ടൈംസ് തുടങ്ങിയ വാര്‍ത്താ മാധ്യമങ്ങളുമായി സഹകരിച്ചാണ് ഈ സൗകര്യം ഒരുക്കിയിരിക്കുന്നത്. സേവനത്തിന് പ്രതിഫലമായി ഈ സ്ഥാപനങ്ങള്‍ക്ക് ഫേസ്ബുക്ക് പണം നല്കുമെന്നാണ് റിപ്പോര്‍ട്ട്.
ഡിജിറ്റല്‍ യുഗത്തിലെ വാര്‍ത്താ വിതരണത്തിന് പുതിയ രീതി അവലംബിക്കുകയാണ് തങ്ങള്‍ ഇതിലൂടെ ലക്ഷ്യമാക്കുന്നതെന്ന് ഫേസ്ബുക്ക് അധികൃതര്‍ വിശദീകരിച്ചു.