വള്ളത്തോൾ പുരസ്കാരം പ്രഭാവർമയ്ക്ക്
Sep 25, 2017, 20:33 IST
തിരുവനന്തപുരം: ഈ വർഷത്തെ വള്ളത്തോൾ പുരസ്കാരത്തിന് കവിയും മാധ്യമപ്രവർത്തകനുമായ പ്രഭാവർമ അർഹനായി. മലയാളസാഹിത്യത്തിന് അദ്ദേഹം നൽകിയ സംഭാവനകൾ പരിഗണിച്ചാണ് വള്ളത്തോൾ പുരസ്കാരസമിതി പ്രഭാവർമയെ അംഗീകാരത്തിന് തെരഞ്ഞെടുത്തത്.
പ്രഭാവർമയുടെ “ശ്യാമമാധവം’ എന്ന കൃതി കഴിഞ്ഞ ദശാബ്ദത്തിൽ മലയാളസാഹിത്യത്തിലുണ്ടായ ഏറ്റവും മികച്ച രചനയാണെന്നാണ് പുരസ്കാരസമിതി നിരീക്ഷിച്ചു. മുഖ്യമന്ത്രിയുടെ മാധ്യമഉപദേഷ്ടാവായും അദ്ദേഹം പ്രവർത്തിച്ചുവരുന്നു.