ഐഎസ് ഷെല്ലാക്രമണത്തിൽ റഷ്യൻ സൈനിക ജനറൽ കൊല്ലപ്പെട്ടു
Sep 25, 2017, 09:52 IST
മോസ്കോ: വടക്കുകിഴക്കൻ സിറിയയിൽ ഇസ്ലാമിക് സ്റ്റേറ്റ് ഭീകരർ നടത്തിയ ഷെല്ലാക്രമണത്തിൽ റഷ്യൻ ജനറൽ കൊല്ലപ്പെട്ടു. ലഫ്.ജന. വാലെർയി അസപോവ് ആണ് കൊല്ലപ്പെട്ടതെന്ന് റഷ്യൻ പ്രതിരോധ മന്ത്രാലയം അറിയിച്ചു.ദെയർ അൽ സോർ പ്രവിശ്യയിലെ സിറിയൻ സൈനിക ഔട്ട്പോസ്റ്റിൽ ഉണ്ടായ ആക്രമണത്തിലാണ് അദ്ദേഹം കൊല്ലപ്പെട്ടത്. നഗരം തിരിച്ചുപിടിക്കാനുള്ള സൈനിക നീക്കങ്ങൾ നടന്നുവരവേയാണ് ആക്രമണമുണ്ടായത്. ഷെല്ലാക്രമണത്തിൽ ഗുരുതരമായി പരിക്കേറ്റ അസപോവ് പിന്നീട് മരണപ്പെട്ടു. കൂടുതൽ പേർ കൊല്ലപ്പെട്ടിട്ടുണ്ടെന്നാണ് കരുതുന്നത്.