വാഹനങ്ങള് കൂട്ടിയിടിച്ച് തീപിടിത്തമുണ്ടായതിനെ തുടര്ന്ന് അഞ്ചുപേര് വെന്തുമരിച്ചു
Oct 21, 2019, 11:56 IST
മദീന: വാഹനങ്ങള് കൂട്ടിയിടിച്ച് തീപിടിത്തമുണ്ടായതിനെ തുടര്ന്ന് കുടുംബത്തിലെ നാലുപേരടക്കം അഞ്ചുപേര് വെന്തുമരിച്ചു. ശനിയാഴ്ച വൈകീട്ട് അല്സലാം റോഡില് മൂന്നാം റിങ് റോഡ് കഴിഞ്ഞശേഷം തബൂക്ക് റോഡിലാണ് രണ്ടു വാഹനങ്ങള് കൂട്ടിയിടിച്ച് അപകടമുണ്ടായത്.ഒരു കുടുംബത്തിലെ പുരുഷനും സ്ത്രീയും രണ്ടു കുട്ടികളും മറ്റേ വാഹനത്തിലെ ഡ്രൈവറുമാണ് മരിച്ചത്. മൂന്നു യൂനിറ്റ് ആംബുലന്സ് സ്ഥലത്തെത്തിയതായി മദീന റെഡ്ക്രസന്റ് വക്താവ് ഖാലിദ് അല്സഹ്ലി പറഞ്ഞു