സൗദിയില് തീര്ത്ഥാടകര് സഞ്ചരിച്ച ബസ് അപകടത്തിൽപ്പെട്ട് 35 മരണം
Oct 17, 2019, 12:12 IST
സൗദിയില് തീര്ത്ഥാടകരുമായി പോവുകയായിരുന്ന ബസ് മണ്ണുമാന്തി യന്ത്രത്തില് കൂട്ടിയിടിച്ചുണ്ടായ അപകടത്തില് 35 പേര് മരിച്ചു. മദീനയില് നിന്ന് 170 കിലോമീറ്റര് അകലെ ഹിജ്റ റോഡിലാണ് അപകടമുണ്ടായത്. ഉംറ തീര്ത്ഥാടകരാണ് അപകടത്തില്പ്പെട്ടതെന്നാണ് സൂചന.
കൂട്ടിയിടിച്ച ശേഷം ബസിന് തീപിടിച്ചതാണ് വലിയ ദുരന്തത്തിനിടയാക്കിയത്. 39 തീര്ത്ഥാടകരാണ് ബസിലുണ്ടായിരുന്നതെന്നാണ് റിപ്പോര്ട്ട്.
സൗദി ഔദ്യോഗിക വാര്ത്താ ഏജന്സിയാണ് ഇതുസംബന്ധിച്ച് റിപ്പോര്ട്ട് ചെയ്തിരിക്കുന്നത്. മരിച്ചവരില് ഇന്ത്യക്കാരുണ്ടോ എന്ന കാര്യം വ്യക്തമല്ല. വിവിധ ഏഷ്യന് രാജ്യങ്ങളിലെ തീര്ത്ഥാടകര് ബസിലുണ്ടായിരുന്നതായാണ് റിപ്പോര്ട്ട്.