കുവൈറ്റില്‍ പൊന്നാനി സ്വദേശി മരിച്ചു
കുവൈറ്റ് സിറ്റി: കുവൈറ്റില്‍ മലയാളി യുവാവ് മരിച്ചു.മലപ്പുറം പൊന്നാനി സ്വദേശി പൊന്നാനി മഠത്തില്‍ അബ്ദുറഹ്മാന്‍ (36) ആണ് മരിച്ചത്. ഏഴുവര്‍ഷമായി അര്‍ദിയയിലെ കുവൈത്തി വീട്ടില്‍ ഡ്രൈവറായിരുന്ന അബ്ദുറഹ്മാന്‍ 15 ദിവസം മുമ്ബാണ് അവധി കഴിഞ്ഞ് നാട്ടില്‍നിന്ന് തിരികെ വന്നത്.
ഇതിനുശേഷം റസ്റ്റാറന്‍റിലേക്ക് ജോലി മാറി. ഇവിടെവെച്ച്‌ നെഞ്ചുവേദന അനുഭവപ്പെട്ടതിനെ തുടര്‍ന്ന് സഹപ്രവര്‍ത്തകള്‍ ക്ലിനിക്കില്‍ എത്തിച്ചെങ്കിലും ഇവിടെ എത്തും മുമ്ബ് മരിച്ചിരുന്നു.
പിതാവ്: ഉമ്മര്‍. മാതാവ്: അയിഷാബി. സഹോദരങ്ങള്‍: സുബൈദ, അബൂബക്കര്‍, ആമിന, സൈതലവി, ജസ്മി. അവിവാഹിതനാണ്. മൃതദേഹം നാട്ടിലെത്തിക്കാനുള്ള പ്രവര്‍ത്തനങ്ങള്‍ക്ക് കെ.കെ.എം.എ മാഗ്നറ്റ് പ്രവര്‍ത്തകര്‍ നേതൃത്വം നല്‍കി.