നോർക്ക റൂട്ട്സിന്റെ അംഗീകാരം റദ്ദാക്കിയിട്ടില്ലെന്ന് കന്പനി സിഇഒ
Sep 20, 2017, 20:34 IST
തിരുവനന്തപുരം: നോർക്ക റൂട്ട്സിന്റെ കന്പനിയുടെയും ഡയറക്ടർമാരുടെയും അംഗീകാരം റദ്ദാക്കപ്പെട്ടതായി മാധ്യമങ്ങളിൽ വന്ന വാർത്ത ശരിയല്ലെന്ന് സിഇഒ ഡോ. കെ.എൻ. രാഘവൻ. കേന്ദ്ര കോർപ്പറേറ്റ് കാര്യ മന്ത്രാലയത്തിന്റെ വെബ്സൈറ്റിൽ വന്ന പാകപ്പിഴയാണ് തെറ്റിദ്ധാരണയ്ക്ക് ഇടയാക്കിയതെന്ന് അദ്ദേഹം അറിയിച്ചു.
വെബ്സൈറ്റിലെ പിശക് തിരുത്താൻ കന്പനി രജിസ്ട്രാറോട് ആവശ്യപ്പെട്ടിട്ടുണ്ട്. ഇപ്പോഴുണ്ടായ ആശയക്കുഴപ്പം ഒരുതരത്തിലും നോർക്ക റൂട്ട്സിന്റെ പ്രവർത്തനങ്ങളെയോ പദ്ധതികളെയോ ബാധിക്കില്ലെന്നും സിഇഒ പറഞ്ഞു.