”വീണ്ടും” നടിക്കു നേരേ ആക്രമണശ്രമം
Sep 20, 2017, 20:18 IST
കോൽക്കത്ത: ഷൂട്ടിംഗ് കഴിഞ്ഞു മടങ്ങിയ തെലുങ്ക് നടി കാഞ്ചന മോയിത്രയ്ക്കു നേരെ ആക്രമണം. കോൽക്കത്തയിലെ സിരിതി ക്രോസിംഗിനു സമീപം പുലർച്ചെ ഒരു മണിയോടെയാണ് ആക്രമണമുണ്ടായത്.
മദ്യലഹരിയിലായിരുന്ന മൂന്നു പേർ തന്റെ വാഹനത്തിന്റെ മുന്നിൽ കയറിനിന്നു വാഹനം നിർത്തിച്ചു. ഇതിനു ശേഷം കാറിന്റെ താക്കോൽ അവർ ഉൗരിയെടുത്തു. തുടർന്നു തന്നെ കാറിൽനിന്നു പിടിച്ചു പുറത്തിറക്കിയതിനുശേഷം ആക്രമണത്തിനു തുനിയുകയായിരുന്നെന്നു കാഞ്ചനയുടെ പരാതിയിൽ പറയുന്നു. സംഭവുമായി ബന്ധപ്പെട്ട് രണ്ടുപേരെ പോലീസ് അറസ്റ്റ് ചെയ്തിട്ടുണ്ട്. ഒരാൾക്കായി പോലീസ് തെരച്ചിൽ തുടരുകയാണ്.