കൊളസ്ട്രോൾ കുറയ്ക്കുന്ന ചില പ്രഭാത ഭക്ഷണങ്ങൾ

ഓട്സ്

ഓട്‌സിൽ ലയിക്കുന്ന നാരുകൾ അടങ്ങിയിട്ടുണ്ട്, ഇത് നിങ്ങളുടെ ദഹനനാളത്തിലെ എൽഡിഎൽ കൊളസ്‌ട്രോളുമായി ബന്ധിപ്പിക്കുകയും ശരീരത്തിൽ നിന്ന് മോശം കൊളസ്ട്രോളിനെ നീക്കം ചെയ്യാൻ സഹായിക്കുകയും ചെയ്യുന്നു.

ബദാം മിൽക്ക്

ബദാം ആരോഗ്യകരമായ കൊഴുപ്പുകൾ, നാരുകൾ, മഗ്നീഷ്യം, വിറ്റാമിനുകൾ എന്നിവയാൽ നിറഞ്ഞിരിക്കുന്നു. ബാടാം മിൽക്ക് ദിവസവും കഴിക്കുന്നത് എൽഡിഎൽ കൊളസ്ട്രോൾ ഏകദേശം 5 ശതമാനം കുറയ്ക്കും.

പുഴുങ്ങിയ മുട്ടയുടെ വെള്ള

നിങ്ങൾ കൊളസ്‌ട്രോളിന്റെ അളവ് നിരീക്ഷിച്ചു കൊണ്ടിരിക്കുകയാണെങ്കിലും പോഷക സാന്ദ്രമായ പ്രഭാതഭക്ഷണ ഓപ്ഷൻ തേടുകയാണെങ്കിൽ, മുട്ടയുടെ വെള്ള ഉത്തമമാണ്.

ഓറഞ്ച് ജ്യൂസ്

ഓറഞ്ച് ജ്യൂസ് വിറ്റാമിൻ സിയുടെ മികച്ച സ്രോതസ്സായി അറിയപ്പെടുന്നു. ചില ബ്രാൻഡുകൾ അവയുടെ ജ്യൂസിൽ പ്ലാന്റ് സ്റ്റിറോളുകളും സ്റ്റാനോളുകളും ഉപയോഗിച്ച് പോഷകഗുണങ്ങൾ വർദ്ധിപ്പിക്കുന്നു.