ന്യൂഡൽഹി: ഡൽഹി യൂണിവേഴ്സിറ്റി അസിസ്റ്റന്റ് പ്രൊഫസർ ദേബോസ്മിത പോളിന്റെ കൊലപാതകത്തിൽ കൂടുതൽ വിവരങ്ങൾ പുറത്ത്. കുടിക്കാൻ നൽകിയ ഒരു ഗ്ലാസ് വെള്ളം വാങ്ങി ദാഹം തീർത്ത ശേഷമാണ് പ്രതികൾ കൊലപാതകം നടപ്പിലാക്കിയത് ( Delhi University Professor Murder Case). ശിവാജി കോളേജിലെ അധ്യാപികയായ ദേബോസ്മിതയെ കിഴക്കൻ ഡൽഹിയിലെ വസുന്ധര എൻക്ലേവിലുള്ള സത്യം അപ്പാർട്ട്മെന്റിലെ ഫ്ലാറ്റിലാണ് കഴിഞ്ഞയാഴ്ച കൊല്ലപ്പെട്ട നിലയിൽ കണ്ടെത്തിയത്. പശ്ചിമ ബംഗാളിലെ ബർദ്ധമാനിലുള്ള ഇവരുടെ കോടികൾ വിലമതിക്കുന്ന കുടുംബസ്വത്ത് തട്ടിയെടുക്കാൻ വേണ്ടി അവിടെ താമസിക്കുന്ന വാടകക്കാരായ ദമ്പതികൾ 1400 കിലോമീറ്ററിലധികം യാത്ര ചെയ്ത് ഡൽഹിയിലെത്തി നടത്തിയ കൊലപാതകമാണിതെന്ന് പോലീസ് സ്ഥിരീകരിച്ചു. കേസിൽ വാടകക്കാരായ രാംപ്രസാദ് ദാസ്, ഭാര്യ ബനശ്രീ ദാസ് എന്നിവരെ പശ്ചിമ ബംഗാളിൽ നിന്നും പോലീസ് അറസ്റ്റ് ചെയ്തു.
ബുധനാഴ്ച രാവിലെ ഒരു സ്വകാര്യ ക്യാബിലാണ് ദമ്പതികൾ ദേബോസ്മിതയുടെ ഫ്ലാറ്റിലെത്തിയത്. സി.സി.ടി.വി ദൃശ്യങ്ങളിൽ പെടാതിരിക്കാൻ ലിഫ്റ്റിന് പകരം പടികൾ വഴിയാണ് ഇവർ ആറാം നിലയിലെ ഫ്ലാറ്റിലേക്ക് കയറിയത്. പരിചയക്കാരായതിനാൽ ദേബോസ്മിത ഇവരെ വീട്ടിലേക്ക് സ്വീകരിക്കുകയും കുടിക്കാൻ വെള്ളം നൽകുകയും ചെയ്തു. വെള്ളം കുടിച്ചയുടൻ രാംപ്രസാദ് തന്റെ ബാഗിൽ കരുതിയിരുന്ന കല്ല് ഉപയോഗിച്ച് ദേബോസ്മിതയുടെ തലയ്ക്ക് ശക്തമായി അടിച്ചുവീഴ്ത്തുകയായിരുന്നു. അവർ നിലത്തുവീണതിന് പിന്നാലെ കൈത്തണ്ടയിലെ ഞരമ്പുകൾ റേസർ ബ്ലേഡ് ഉപയോഗിച്ച് അറുത്തുമാറ്റി മരണം ഉറപ്പാക്കി. വെറും 30 മിനിറ്റിനുള്ളിൽ കൃത്യം നിർവ്വഹിച്ച പ്രതികൾ ചോരപുരണ്ട വസ്ത്രങ്ങൾ മാറി, താഴെ കാത്തുനിന്ന അതേ ക്യാബിൽ തന്നെ ആർക്കും സംശയം തോന്നാത്ത രീതിയിൽ രക്ഷപ്പെടുകയായിരുന്നു. ഫോൺ വിളിച്ചിട്ട് കിട്ടാത്തതിനെ തുടർന്ന് സഹോദരി ദേവാരതി ഫ്ലാറ്റിന്റെ പൂട്ട് പൊളിച്ച് അകത്തുകയറിയപ്പോഴാണ് മൃതദേഹം കണ്ടെത്തിയത്. ദേബോസ്മിതയുടെ മുത്തശ്ശൻ നൽകിയ ബർദ്ധമാനിലെ കോടികൾ വിലമതിക്കുന്ന വീട് സ്വന്തമാക്കാനായിരുന്നു ഈ ക്രൂരത. ഈ വീട് വിൽക്കാൻ വിസമ്മതിച്ച പ്രൊഫസർ ഇവരോട് ഒഴിഞ്ഞുപോകാൻ ആവശ്യപ്പെട്ടതാണ് കൊലപാതകത്തിന് പ്രകോപനമായത്.
Summary: Shocking details have emerged in the pre-planned murder of Delhi University professor Debosmita Paul, who was brutally killed by her tenants in her Vasundhara Enclave apartment. The accused couple, Ramprasad Das and Banashree Das, traveled 1,400 km from West Bengal to Delhi carrying a pestle and a razor in their backpack. Gaining friendly entry into the flat as known acquaintances, they accepted a glass of water from the professor before striking her on the head and slitting her wrists to ensure death.
