പാനി പൂരി പ്രേമിയായി ഒരു ജാപ്പനീസ് യുവതി!

ജാപ്പനീസ് സംരംഭകയായ ഹെർമെസ് തന്റെ എക്‌സ് (ട്വിറ്റർ) പേജിൽ പങ്കുവെച്ച പാനി പൂരി വിശേഷങ്ങളാണ് ഇപ്പോൾ ശ്രദ്ധ നേടുന്നത്. തനിക്ക് ഈ വിഭവം എത്രത്തോളം പ്രിയപ്പെട്ടതാണെന്ന് താരം കുറിക്കുന്നു.

പാനി പൂരിയോടുള്ള ഇഷ്ടം മൂലം സ്വന്തമായി ഒരു കട തുടങ്ങുന്നതിനെക്കുറിച്ച് താൻ ഗൗരവമായി ആലോചിക്കുന്നുണ്ടെന്ന് ഹെർമെസ് പറയുന്നു. യാത്രക്കാർക്ക് എളുപ്പത്തിൽ കഴിക്കാവുന്ന രീതിയിലായിരിക്കും ഇത്.

വിദേശ വിഭവങ്ങൾ അധികം താൽപ്പര്യമില്ലാത്ത തന്റെ ഭർത്താവിനും പാനി പൂരി ഇഷ്ടപ്പെട്ടുവെന്ന് അവർ പറയുന്നു. പാനി പൂരി ഒരു 'ആസക്തി' (Addiction) ആണെന്നാണ് അദ്ദേഹത്തിന്റെ അഭിപ്രായം.

ഗോൽഗപ്പ എന്നും പുച്ക എന്നും അറിയപ്പെടുന്ന പാനി പൂരി ഇന്ന് ഇന്ത്യൻ തെരുവുകളിൽ നിന്ന് ആഗോള തലത്തിലേക്ക് വളരുകയാണ്. ജപ്പാൻ വരെ എത്തിയിരിക്കുകയാണ് ഇതിന്റെ രുചിപ്പെരുമ.