എഥനോള്‍ ഇന്ധനമാക്കി ഓടുന്ന രാജ്യത്തെ ആദ്യ ബൈക്കുമായി ടിവിഎസ് അപ്പാഷെ RTR 200 Fi E100
പെട്രോളും ഡീസലുമില്ലാതെ രാജ്യത്തെ നിരത്തുകളില്‍ ഓടാന്‍ തുടങ്ങുകയാണ് ടിവിഎസിന്റെ പുതിയ പകര്‍പ്പായ അപ്പാഷെ RTR 200 Fi E100 . എഥനോള്‍ ഇന്ധനമാക്കി ഓടുന്ന ഇന്ത്യയിലെ ആദ്യ ബൈക്കാണ് ടിവിഎസ് അവതരിപ്പിച്ചിരിക്കുന്നത് . 2018 ഓട്ടോ എക്സ്പോയില്‍ ടിവിഎസ് അവതരിപ്പിച്ച പദ്ധതിയാണ് ഇപ്പോള്‍ യാഥാര്‍ഥ്യമായിരിക്കുന്നത്. എഥനോള്‍ ബൈക്കാണെന്ന് തിരിച്ചറിയാനായി നല്‍കിയ ഇന്ധനടാങ്കിലെ പ്രത്യേക ഗ്രീന്‍ ഡീക്കല്‍സും ലോഗോയിലും മാത്രമാണ് മാറ്റം വരുത്തിയിരിക്കുന്നത് .
E100 200 സിസി സിംഗിള്‍ സിലിണ്ടര്‍ എന്‍ജിനാണ് വാഹനത്തിനു കരുത്ത് നല്‍കുന്നത് . റഗുലര്‍ മോഡലിന് സമാനമായ പവര്‍ ഇതിലും ലഭിക്കും . 8500 ആര്‍.പി.എമ്മില്‍ 20.7 ബി.എച്ച്‌.പി പവറും 7000 ആര്‍.പി.എമ്മില്‍ 18.1 എന്‍ എം ടോര്‍ക്കും സൃഷ്‍ടിക്കും ഈ എന്‍ജിന്‍ സൃഷ്‍ടിക്കും. 5 സ്പീഡാണ് ഗിയര്‍ബോക്‌സ്. മണിക്കൂറില്‍ 129 കിലോമീറ്ററാണ് പരമാവധി വേഗത.
വെള്ളയിലും കറുപ്പിലും ചേര്‍ന്ന് പെട്രോള്‍ ടാങ്കില്‍ പച്ച നിറത്തില്‍ ഗ്രാഫിക്സുമൊക്കെയായാണ് അപ്പാഷെ RTR 200 Fi E100 പുറത്തിറങ്ങിയിരിക്കുന്നത് . 1.2 ലക്ഷം രൂപയാണ് വാഹനത്തിന്റെ എക്‌സ്‌ഷോറൂം വില.